Tríggir røðarar á Vaglinum 1. mai

Tríggir røðarar á Vaglinum 1. mai

Aftur í ár skipar Havnar Arbeiðarafelag fyri 1. mai dags haldi á Vaglinum. Haldið verður leygardagin kl. 15.00.

Røðarar verða Høgni Hoydal løgtingsmaður, Helena Dam á Neystabø fyrrverandi løgtingskvinna og Kári Johansen arbeiðsmaður og nevndarlimur í felagnum.

Havnar Hornorkestur spælir í sambandi við haldið.

Havnar Arbeiðarafelag hevur regluliga skipað fyri 1. mai dags haldi síðan 1962. Dagurin verður hildin í sambandi við, at 1. mai er altjóða arbeiðaradagur.